سائنس دان اس کا علاج ڈھونڈنے کے لیے بہت تگ و دو کر رہے ہیں۔ ملیریا کی دواؤں سے بھی اس کا علاج کرنے کی کوششیں ہو رہی ہیں۔ یہ وہی دوائیں ہیں جو دوسرے وائرسوں کے لیے تیار کی گئی تھیں۔ ان کے ساتھ ساتھ ان لوگوں کے جسموں سے اینٹی باڈیز بھی لے کر استعمال کی جا رہی ہیں جو کوویڈ ۱۹ سے متاثر ہونے کے بعد صحت یاب ہو گئے ہیں۔ 

وائرس کے علاج کا سب سے مؤثرطریقہ ویکسین ہوتی ہے۔ ویکسین کا مقصد لوگوں کو بیمار ہونے سے بچانا ہے۔ ویکسین کو جسم میں داخل کرنے سے مدافعتی نظام حرکت میں آ جاتا ہے۔ اس طرح اینٹی باڈیز (antibodies) نامی پروٹین پیدا ہوتے ہیں جو ہمارے جسم کو متعدی امراض سے بچاتے ہیں۔ فی الحال کورونا وائرس سے بچاؤ کی کوئی ویکسین دستیاب نہیں۔ 

ہو سکتا ہے کہ کچھ مغربی، روایتی یا گھریلو ٹوٹکوں سے کوویڈ ۱۹ کی علامات کم کرنے اور مریض کو آرام پہنچانے میں مدد ملتی ہو، تاہم ایسا کوئی ثبوت نہیں ملا کہ موجودہ دوا ؤں سے اس کا علاج ممکن ہے۔ عالمی ادارہ صحت نے کسی بھی دوا کو کورونا سے بچاؤ یا اس کے علاج کے لیے از خود استعمال کرنے کا مشورہ نہیں دیا۔ تاہم سائنس دان ایک مؤثر علاج دریافت کرنے کے لیے سخت محنت کر رہے ہیں۔ فی الحال درج ذیل ہدایات پر عمل کرنا چاہیے:

اپنے مدافعتی نظام کی مضبوطی کے لیے: